Christmas Hungla Rubo?|Inpui Naga Poem|Isaac Inkah

source: Pexels

Christmas hungla rubo

Nakum danga anikum le?

Sangwan lumik loi hungluga

Inzonnu cham ani railat la rubo?

Christmas hungla rubo

Tataaktha swakbi nakum dan anikum le?

Hung raang thang la rubo

Dainu sikpha thiraang ani maikum bi?

Ani meimang bi sangwan meiri

Rai kadoi lat larubo

Nakum dan ani kumle?

Chamna sia khit khit

Ningpui na sin khit khit!

Christmas hung lat la rubo

Eina kriangnu inmwan la?

Mulat la rubo

Eina kriangnu nun ding

Nakum dan anikum le?

Christmas nang hunglat o

Ani kumle nakum dan?

Ngaak ungme nating

Louthoktha swakpi

Tachi bata lang thei makka!

Isaac Inkah

From Khwabaan Swak Rwe (scheduled for publication in 2020).