As You Go|Bride|Poem in Inpui|Isaac Inkah

source:pexels

“Ntunbe

Hung rwe badan thangnu.

Ntunbe

Thei rwe asungna bathainu.

Ntunbe

Thei rwe ei ingai selang bo?”

Nasungna bachunnu

Nasungna za thangnu

Ram la se dingbi

Baan khat om choungren ngaakka

“Thei yo,

Nuna kalum thangnu ga

Na laang khopnu we.

Pa rithoiga

Na laang khopnu we.

Unao kriangga

Na laang khopnu we.

Na om potpaanga

Ritle rit mak;

Zaangle zaang mak.

Nalaang khopnu we.”

“Na lampui zing hungbi

Anu wo diga chap ung mak o.

Zingpha zing hungga

Khwasun thirwei ran hung le

Kachi mak o.

Baningsu wo

Nang se swak dingbi

Na laang khopnu rithoi

Balaan thang damnu ding.

Na pot ka

Zaang le zaang mak

Ritle rit mak.

Nangbe

Nang lungsenu ramla

Nu ankwat pi paan ungnu

Rei dan, paan chat mak o

Louthwan le khwazin.”

Baningsu wo no

Zingle baanle

Nangbe

“Na rang zana khop e.

Na rang zana khop e.”

Isaac Inkah

This poem is dedicated to all brides. The English title is "Being You is Enough". 

From "Khwabaan Swak Rwe" (scheduled for publication 2020).