Zamnu Manpa (Aesop's Fable Series 5)

Image Credit:pixabay.com

Kama  nana talei khatpi krwang khat  am ngaak e. Atiga maan na talei khat ting kraan tulang choungpao swak rwe. Haba talei bi ongnu katang rwan bing ding ba-om kraanmi bi sui lang rwe diga rin rwe. Haba talei bi amnu natraangnu katang rwan zamak ka talei katei lana le suipaang lang tamga hung rwe.

Atiga haba krwang talei bi zambongkhu (coward), zamtaknu manpa khat lung ong ngaak e. Krwang na kraan tulang kou briak pina maanna kraanbi suilang takaat takaat sui kachak swak rwe. 

Haba zamnu manpa na kraan tulang se swak rwe. Atiga manna lampui bi se ongbi thingkung khatpi ba-aak (crow) khat twang luga braam rakan rat ongnu kadou rwe. Maan na haba ba-aak ting kachiga “Nang pa-am lang braam ongnu bo? Nang sakamaknu basa, braam lan brap o. Nang ating namsa lang tu ongnu bo? Ei ating pinam sala ye.” Diga kachiga kabia rwe.

Atiyeda haba ba-aak kana zamnu manpa choung khatchale ngai thang makka braamlan makka braam rakan khitkhit braam ka rwe. 

Haba kraan tolang senu manpa ga kachi khit khit thou rwe. Maan na ba-aak (crow) braam ongnu ding kachi luga ba-in la pak han se lat tat rwe.

Moral: We must conquer our fear.

This fable series is an attempt to inculcate the habit of reading Inpui literature.