Lord Hermes and A Man (Aesop's Fable Series 4)

Image Credit: Greekmythology.com

Kanikhat manpa khat tuipang (ocean) paanbi (beach) koise ong ngaak e. Maan talei bi taram phaangsanu inza ding muluga karo tak ka ong ngaak e. Atiga tuipui tui kabaab hungnu khatle tuibi nga (fish) rwan na hwan zui zui ongnu inza dingmu luga balungning nungai takka ong ngaak e. Bakhwasei maknu sungbi tuilan la zahaaz (ship) lian nu khat tuipui tui kabaabnu bi bazaangga hungna nu mu rwe. Maan na baning nge heiba zahaaz liannu heiya soimakka  kasukluga tuithwei ta dam luzung rwe diga basung tamga ong ngaak rwe. Haba zahaaz ka se hung kadei makka tui kabaab rakan hungbriakpi tui khutluga thum tadam nu bamik bahak na mu rwe. Maan na basung nungai makka Rikrwang khou kabia rwe, “Rikrwang nangna tu ongnu heiya samak e. Misia kasem saruk pi zahaaz pi mi kasanu heiza ding tuthat nu ba zamak e.” 

Maan na hadan kabia ongbi maanna han ongnu bake (feet) thwei bina tangem (ant) ka luga bating ei (bite) rwe. Haba maanpa na balaoga phaangta da bakom bi tangem tamga lon brik ongnu mu rwe. Maanna bating einu tangem khatting athat lang tobada bake (feet) na tangem taswang khak ting pan that thang rwe. 

Ati ongnu sung bi bamik pi Lord Hermes swak rwe atiluga rinne “Eina baning nge nang intun ba gian ta ngaak rwe. Nangna tangem ding judge todamnu gadan Rikrwang le tonu zung nge.”

Moral: Mikhat om baraan (fault) zong swak bai ye.

This fable series is an attempt to inculcate the habit of reading Inpui literature.