Inchom Paan|Poem|Inpui (Kabui)

Image credit: B.Aloh (Former President, Inpui Naga Union)

Khanglup sa thou lang karam ga…
Achaat maisa lam ding ngo zong khut ka…

Kachak swaknu we,

Kat thangnu we athi nu talei lang na.
Atiyeda asa wo kazaknu na 'ni madon tuthou we.
Rwan meithaan kekho de ga,
Rwan dingza hweiga se ngaak nge.
Ba hwei mak le zamak
Ani siat swaknu we lou thang mak o.
Mikthi ga alannai mak e no.
Achaat lang riangre le
Nisat natnu khaang ga,
Lampui bi taraan pemlang kamaang nilai tui inga,
Thiraang thirwei nang le
Thingpho thweibi ba inkamga.
Achaat kanung karo dingnu ningpui phunga
Amadon ding theimakka,
Sianlan kalanu ding bathai mak ka,
Bakaan lumik ting le kazak mak ka
Seswak ongme intun le louzam mai makka
Lou-aat dat hungle eizo namla la
Chaat langna ye langkhei/bazin se ongme.

Alouba minraam hung rwe,

Abaangzaang rwan bing lou laak kakam loi da rwe.
Abaangzaang sanao bing lianthou phik rwe.
A-in 'nai bathomnupa gale into loi da rwe.
Ei zo a-om ankwat zale karak mak ka
Chwan maaknu, thou thei maknu inmwan inrumang danga
Mina kapangnu we raibe be ong me.

Kaichingpu potrit lou kadou ga

Patso chounglang zale sui talen ongda
Akum kasa bing sekhan ong ngaak rwe.
Ei balung mak laiga
Inchom kungsanu bi kalu
Inchom paan khat kani kathiak ka 
Eina kriangnu kamaisa lang hung bachoi thang nge.

The poem is dedicated to all Inpui leaders (secular and religious) both past and present. Through them we are here, through them we will meet the future.

If you like this article or have anything to share, comment below or write to us at isaacnka@gmail.com