Theba khatle Basak (A rabbit and a sparrow)|Aesop's Fable Series 3

Image credit: pinkoi.com

Kanikhat theba  (rabbit) lousam (grass) sanu riak khatpi lousam saga ong ngaak e. Atiga theimak daak daak ka aanmu (eagle) khat zwang hung luga haba theba ding aanmu kuttin bazum nu thweibi thang luga phun thou da rwe. Haba theba na dwak swak lang hase karam ngaak rwe. Atiga bachek seisei hung ruga haba aanmu gale phot sei ngam makka theba ding bathan sat rwe. Thebana basaanglana talei bi bazwan pok pok ta rwe. Maanna naga (cry in pain) pao rwe. Thebana pao ongnu basak (sparrow) na ngai su rwe. Basak kana theba na riangre naga pao ongnu riakla hungluga haba theba ding hung phaangga bala  (make fun) ga banui thang rwe. 

Ati ongnu kahan bi achia aanmu ga zwang han hunglat luga haba basak ting nam rwe khatle basaang la phunka rwe. Haba basak ka na aanmu kuttin bina dwak swak lang hase karam rwe atida swak ngam makka ong rwe. Maanna babatha (feather) khatle bamun (skin) tokalai loi rwe. Basak kale dwakswak luga thingtang bi twang ga riangre ga braam ongnu theba na ngai su rwe. Ati ongbi theba na hungluga ngai rwe “Apaiba, intun zo into rwa? Na-om phaang sanu batha (feather) khatle mun (skin) ba basiat loi darwe. Napum le bazam (wounds) karwak chung rwa. Ei nating tobala kaat e atiyeda, nang ageina para lou lang tamgga am me" diga rinthang luga theba ba-in talei kapop la pak khut ta rwe. Basak ka riangre ga barang toza braam ong sia rwe.

Para: Mikhat riangre tabi banui bala ga lung mak o.

This fable series is an attempt to  inculcate the habit of reading Inpui literature and improve the imagination of  young minds.

If you like this article or have anything to share, comment below or write to us at isaacnka@gmail.com. We love to hear from you.