Makeup Liberation|Poem

source:pexels

Nakut kathok ka namai kamwei ga

Katha-an na na kut inchang toga

Magazine bi model ding phaang basat luga

Na lu (head) rit ka makeup ding balumsa ongnu-

Na mai (face) bi andim am gabo?

Na sung la bazam phun gabo?

Sam sei le-toi le,

Sam bum le- sen le,

Sataknu thotka to kale(change) mak o.

Na laang khopnu gun phunlu

Pa-am lang na sung riangre bo?

Mansia mak e nangbe,

Misia mak e nang be,

Thotsanu ga thin-lem mak o.

Kuttin seile-toile,

Mik-khei sale siale,

Na rang tuza nating rai mak o

Na-om aandimga (scars) 

Na bakhaam ma liannu rasi,

Nangbe na-om aandim ma le lian ne.

Nating tuna turin bo di' 

Na kana (ears) saanga ngai ongbi

Na kumga (your life) sin khit khit khutlu

Nating narang tuza kwan-in (jail) bi sum thang lune.

Nang baningnu katang na

Na kutzung bi libaan (ring) thangnu dou la rwe diga

Sungsin luga na khei sanu ding zok b'nim mak o.

Nangbe batikchanu ra-ngaak zwe. 

Nangbe

Rei bachup zwe,

Khwasa bi paan lang ngaak ongnu bachup ka zwe.

Nangbe

Laa-kaang (lyrics) zwe.

Kaansa-sia (good & bad times) tu ding nu laa-kaang ga zwe.

Nangbe 

Tha  (moon) zwe,

Zingnu talei ding pibaan dingnu thabaan ga zwe.

Nangbe 

Tambu zwe,

Tamsaipwak pwak tingnu khwatui ga zwe.

Losianu na mikthi ga nun sat lu,

Khwamthang ongnu ga lwaksat lu

Na batha (wings) laam ga

Zwaang swakro bwakaanpha (spring) hung rwe.

For your information, the word “makeup” is not found in the Inpui  Mini dictionary!!!! So, don't worry...Liberate!!!

If you have anything to share, comment below or write to us at isaacnka@gmail.com