Bahousa Khwan|Poem|Inpui (Kabui)

Source: https://www.pexels.com/photo/woman-in-red-dress-standing-on-gray-road-930899/

Khwabaan swak rwe, anam Inpui bile,

Louthwan-lumik na tapon to thang ong.

 Louse swak rwe bathang-bathang sungram  (couple) rwanle,

Eina rangkaan (guard) toga chounglaa ngaak ong.

Theisu hung nge, badat khatpi,

Rwan talei lana anam-sa kachap braam.

Daibazaangnu braan lamnu dan bashing bi,

 “Ei ngam la rwe” diga kakounu braam.

Banim bem-bemga phaang ongda anam ding,

Ui-aan, khouring khatle bahousa braamna.

“Bathem thang biyo” diga braam ong anamsa ding,

Hiak swak-eh reisam toga, anam bahousa khwan bina.

Anam sarwan no!

“Ei ngam la rwe” dinuna,

Kakhamnu chounghan to mak rio.

Kakhamnu thouna amaang bo? diga,

Narangto zana nakhou ngailat rio.

Rwan-kadai khatle bani riangrek meiri na,

Namik bi mikthi pita mak-oh.

“Anam om ‘kadaimih zo ei rwe” diga,

Narangto zana nakhou ‘kbia lat-oh.

Aniya rwan-kadai phaang ong me namihba,

Badan phangsu lang karamnu, kakhamnu thounaye noh.

Anamding, inchan rwan-kadai pi phaang ne bo? diga, 

Narangto zana nakhou ngai lat-oh. 

Kakhamnu thouna phunswak-oh,

Achaat-anam lang nge di baning ga. 

Ta hanro kadai riakpi, pi phaangro, 

Na kadai gaye, nanam om taraan ga.

Written by G. Philemon Bariam. He recently graduated from University of Delhi  (DU).

If you are looking for space to express your views and share your ideas, comment below or write to us at isaacnka@gmail.com.