Rangaak Phaang Lang Hung Ne?|Poem

Bakok Khuai waterfall Image credit: Unkown

Rangaak phaang lang

Ramwan-tuikwang inza takan ga

Hungne Lwanzaang inmwan zon ga.

Baan no, Tuilut baphaang zo kutkai ga

Baphaang zo Lwanzaang nam ‘lui le.

Katang sanu phaang lang hungne

Sampwangbi takaan rei ton ga.

Hungne banam sanu thao teiga.

Chethi na chamthwan lat la rwe.

Sanaan le sukzao tui na sambom kasin la rwe.

Tida Lwanzaang tuina la tui ba kasin zo.

Bakok-Khuai tabung la sega tuisa ba-in zo.

Ani ba zo mibing cho ongnu riakla zo.

Ankwat kasanu riakla ba paanzo

Khweiba bwan ongnu riakla.

Bri ding hweinu babwa hounanu zwe.

Thing thang mak o Lwanzaang nu rwanga

Hung ding ngo inwanbi

Rangaak sungsa phaangnu kasem,

Katang thotsa phaangnu kasem,

Kadai kadai takhemnu kasem,

‘Nu thouliak phaangnu kasem,

Sa cham ngainu kasem.

Baning ngam laye

Sanu rei chun tanu mu bi.

Khwazin basa na zwang tasuk thoudam da

Babwa rwan le bani sungtam ong me.

Eibe YGO om kakhamnu khwazin bi lumikna

Ta kaat kaat ta damnu phaang ngam laye.

Ei phaang ngam laye kumeini rwan

Inpui ramwan zwang takan thou damnu.

Tiyeda…..

Heiba kin rwan ding kriang nu bing

Sungcham nu kaphuk kai bacham lang

Lingkwa paan bi ‘ni ba kadoi zo.

Hung ngo mibing hung ngo diga

Lwanzaang kut laam swakka kou ong rwe.

About the poem:

The writer captures the imagination of the youth in this poem by painting them in different lights. The poem also pointed out how youth see such gathering without knowing the purpose behind it.  The intention of the YGO is to bring this generation to Christ through different games and sports. 

The ambitious Youth Gospel Olympics will be conducted at Kabuikhullen in 2019 by the Youth Department of Inpui Naga Baptist Churches Association (INBCA) under the theme "Exhibiting Talent For Change".  

The author also wrote Centenary Nang Hungna Rubo? (2014).
And the theme song for Youth Gospel Olympics 2019 titled "Kinthan Rwan-Lwanjaang is Calling".
Singer: Barnabas Bariam
Music Composer: Samuel Inka