Katampi Le Lousa-ui (Aesop's Fable Series I)
 |
| Image credit: Fineartamerica.com |
Maan na inkombi taku ongnu
kaan bi katampi khat batu ding rakhe ongnu phaang mu rwe. Haba lousa-uina
baning ngaak e, “aniya be ei heiba naosen ding nga namsa lang rwe.” Haba naosen
na bakoi sianu mi ngaak e. Bapina bating ponluga bakoi louthang lena chap kiak
kiak ka pao ong ngaak e. Haba katampi na batu ding ding atiga basi rwe, “atuwo, nangna
chapnu lan mak e be ei nating lousa-ui nun lang pine." Haba Choung lousa-uina
ngaisu nu kaan bi karonu na sip ngaak e. Maan na naosen na chap ongnu ding ngai
ga basungbi karo ri ri ong ngaak ong ngaak e.
Haba thamlai chupka haba
lousa-uina thingkung thwei bi inkam ga ba-oi ong ngaak rwe. Atiyeda katampi
gana ba naosen ding ga thangta nukaan maak e. Khwanzin hunglat rwe, lousa-ui
bonchaam ga khaang ong rwe. Katampiga na naosen ding ponlu inmaizwan bi swaklat
ongnu mu rwe. Katampi na khwazin nao kathou laa tuga naosen ding pi in lang to
ongnu munu kaan bi haba lousa-uina namsa su khaprwe diga baning ngaak e.
Atiyeda lousa-uina katampi na naosen kathou nu choung ngaisu lat rwe, haba
katampi na “Atuwo nating lousa-uina ti-itza ngaakle takang kalai ye be ei haba
lousa ui ding namlu kadeng thatne” diga kabia ongnu ngaisu kaan bi haba lousa
ui na “heiba misa rwanna choungtak khatchale kabia mak e” diga kachi lai lai
maan inkam ongnu riakpina kachak swakluga kamaanglak la pak thou da rwe.
Moral: Kasianu chwan tolang kakhan mak o, kasianu lungning na nating phun thi lune.
This fable series is an attempt to inculcate the habit of reading Inpui literature and improve the imagination of young minds.
If you like this article or have anything to share, kindly comment below or write to us at isaacnka@gmail.com.
Comments
Post a Comment