Kachaak Aan Katui (Golden Eggs) Aesop's Fable Series 2

Image credit: Freepik.com

Kama nana inmwan khatpi kachaak aan katui ohnu aan khat dwan ong ngaak e. Rikrwangna maan riangre ga ongnu theilu heiba aan na pihungnu we diga lou ngaak rwe.  Haba aanna aanbu bi katui bathin aan katui ga louluga kachaak langongnu manpa khou bazwan thang ga sianswak saga lung ngaak e. Maana pangnu (foolish) manpa khat ngaak e. Maanna baning nge heiba aanna bakaan bathin kachaak aankatui za katui ong ngamba babonsung lamang ba kachaak tamga am ngaak ne diga kakhan rwe. Maanna haba aankatui bing ga louswak owei bina pumbrum louswakluga brapka lungsa khap e diga baning ngaak rwe.

Atibriakpina haba kapangnu manpa na aan in bina kachaak katui katuinu aan dingga khutnam luga athat rwe. Athatluga babon raam tarwe, maan na babonbi kachaak ingai bo zong rwe atiyeda khatchale zongsu lan rwe. Atiyeda thiza (blood) lwangswak rwe. Maanna kakhan rwe 'heiba aanle aan katei dannu siada kachaak toga babonla bakaan bathinsui maknu siaye' diga bakaan khandam bina gian ta swak rwe. Kakhambi maanna barangtu kapangnu mi sarwe diga kakhansu rwe. Lungsa brap nwamga karam briakpina khatchale phangmak ka sia da rwe.

Moral: He is richest, who is content with the least.

This fable series is an attempt to  inculcate the habit of reading Inpui literature and improve the imagination of  young minds.

If you like this article or have anything to share, comment below or write to us at isaacnka@gmail.com. We love to hear from you.