Hey Tuikwaang|Poem|Inpui (Kabui)

image credit: Pinterest

Babuasa Riamroi

Namlanu ramwan lana lwang swak ae.

Tuikwaang baswan za toga swak ae.

Lwang kadoi ga baron khit khit,

Sok e baraam le nat khit khit.

Maan setaye karoga ramwan ramri takan ga

Inbei inchang lana suizon hung nge

Kasin lamnu tuisa doi gale

Riangre nu takaatnu ding banim ga

Thouna saga setaye bani doiga khatcha toga.

Sesei khit baron khit, nat khit khit ae khatle raang khit khit ae.

Taram bazon kasanu heiza phaang ga lwangta ye.

Maan na misa nun lang kakung nu leithwan tamga kasem me.

Inlou kasanu heiza ba om bakriang paan bi,

Intia baman kungnu bo?  

Hey tuikwa.

Daizaangnu lwang bathing ringring ga taye.

Atida natingle tobasiat lang am ngaak ae.

Bakum bakhwana sunran ga hungbi

Nating tokabwak thang nge maan na

Salamnu na om sat heiza dinga.

Banam sanu barim pinu reipaan heiza

Misa nun  ding pi karo thangnu thingpho rwapho heiza

Na paanbi ringnu karonu lousu we.

Nangbi kriangtheinu paangthang theinu we.

Hey tuikwang naom sat dannu maak ae.

Nating phaang ga ani misa nunle bathaiye

Kriangtheinu paangthang theinu tolang

Nating bazeiga misa bingza

Lungthou lat e bi intia sa ding bo?

Hey tuikwang nang zazwe bazeilang, bathailang

Hey tuikwaang nang zazwe daibazaangnu, kriangtheinu.

About the author: 

Babuasa Riamroi currently teaches at Pangkriang Friendship School (PFS), Ijeirong. 

The poem first appeared in Kala-Khwanbaang, an annual publication of Inpui Students'Union, Delhi (ISUD) 2017

If you like this article or have anything to share, comment below or write to us at isaacnka@gmail.com.