Rikrwang Na Bacha Thangnu Inn|Poetry in Inpui (Kabui) Naga

Baning su we ei naosen nu kaan ding

Meimang kom bi a-uh anao rwan le diga

Anu na bu ann swang min nu ding ngaak ka

Apana rwa balem ungnu ding phaang ga

 

Baning su we innkhun mi bing za badung barik luga

Anncham ann za ding karo karo ga sa bacham nu kaan ga

A pa na katup ka rai thang ngaak e

Daniel, Shadrach, Meshach khatle Abednego om meiri

 

Zingpha aankhwaang raan tabi

Ngaisu we kamaisa inthim ga chapnu khwan

Balao ga lon thou luga ngai deng bi

A nu na basa rwan lang chap ga kalum thang ungnu khwan ngaak e

 

Toi lam nu talei misa kum bi

Bacha thang nge pah Rikrwang na

Bao lat la nu inn

Khwasei sa nu inn

 

Hiakpu: Aralu Bariam