ani ani dan lan rwe|Isaac Nka|Inpui (Kabui) Poetry

  

                                Image credit: Isaac Nka

ei bi nani chaang suitang la rwe

sungna khatla lungningna khatla

ani talei ani talei dan lan rwe

inmwan zai bi sen ‘tim sa ngaaknu

sen man le mu lan rwe

louthwan khwazin anbun-bokbunnu le ngaisu lan rwe

innai louthwan saangsunu le ngaisu lan rwe

khouring braan na namla khit khit

engine braamna nat khit khit

thamlai api laathunnu le mu lan rwe

api laa krek le karapla anching kaloi rwe

keithian pwanla inmai pwanbaang bi phou barem thang ungme

sikpha hungna rwe …..na kepha tulu

keithian pwan lum mak ae diye

raaktaan sanu ding kaiswak kazak hung rwe

nathan bi kasung ansun le mu lan rwe

ani rwan chaang theinu satak rwe

ani chaang zule se thou lat san mak ae

ani chounglaa bi ngai bi kakhainu thakra dan

in thang lang makka ungme

ani thouliak le meimang bi mei dan

sem thang lang mi maak ae

ani talei kabui na inrannu dan

ran barem barem hungna da

kabui le chousa su mak

louchwan le tusa zamak

ani talei ani talei lan rwe

bazaang ga man rwanna bapu ba tune hungna rwe

ani cham za rwan chaangga sa rwe kutkailoi ungme

 

ancham babow sanu

an kalung an asanu

rwan om ding loubachak langma

ani lukathwak pi kaling ling thangnu dan

hei talei sengthangnu ramme ungme

insi mu lat la rwe

khwatui le insu lat la rwe

tuili dople mu lat la rwe

thingbom sanu mu lat la rwe

daibazaangnu am lat la rwe

ani karonu kabei lam rwe

ani ani chaang lan rwe

ani ani chaang lan rwe

 

isaac nka

Credit: Sachoiba Inkah (ed). An Introduction to All Inpui Student’s Union, Published by Souvenir Committee, AISU Golden Jubilee Celebration, 2022. P.157