Katampu le Gadha|A cautionary tale for voters

Kani khat vote han dingnu candidate khat inmwan patso khou hung ngaak ae. Maanna haba patso khouga rinne,  “Apo, heiba election bi eile khang chwan tolang candidate khat toga kachak swak ungme. Kriang thang zaga alaang naom kakungnu vote pithang luga ating mai pi-aang thang ngo.”

Heiba choung rin luga haba candidate gana patso lang lupa rachingni pi ngaak ae. Atiga haba patso gana rinne, “Kriangnu atu pa wo, alaang tuga be sian pithang lang ro. Nangna pithangne dinu om amme be napu alaang gadha khatcha kalei hung thang kam zayo.”

Candidate pa ga karo karoga se lat rwe atiyeda bazaar la seluga gadha man ngainu kaan bi -lupa raching sombli le somnga thwei tanu gadha khatchale zongsu mak ngaak rwe. Atibriakpina candidate hannu manpaga na haba patso khou hung luga rinne, “Apo, gadha manba kung nge. Bazar bi raching sombali-somnga thwei tanu gadha phang ngam mak ae.  Atibriakpina ei gadha toga ba pi ngam la rwe, kriang thangga heiba lupa rachingni ya tom ngaakle lou thang kamro.”

Atiga katampu gana katak ae, “Atu pa wo, gadha raching sombali-somnga za tanu hakna kalei ngam makluga- lupa rachingni na ating kaleine ungnu zo, napu ating tu kazaknu bo?”

Rinwam nuba, nang ei, azan nazan khatle aom naom gun thei thang zo atiluga sian kasem za lang za sangwan inpaang om rights zwan satnu ga sia owei rizo. Sungliangnu khatle lianthounu khanglup ani bacha karizo.