Wuhan Thiraang| G. Joshua Inka

Image credits: Zydeaosika

He Wuhan thiraang!

Nang raang rakan lai rwe.

Thingna louna le saam loi da rwe.

Bazik kathan le kasat ka ngam lan rwe.

Ba’an sanu lousam le bazin loi rwe.

He Wuhan thiraang!

He Wuhan thiraang!

Nang hungbi misa lungning le sin loi rwe.

Misung riangre nuna sip loi rwe.

Chapka sung katopnuna maadon to ung rwe.

He Wuhan thiraang!

Anu na son thangnu bu le sasu lat lu ding maang bo?

Bangei kanglaak khwan theisu bi

Anu insaang bathou nu braamle ngaisu lat lu ding maang bo?

Bangei kadou lumikpi naosen rwan

Potnaat kathan sin basoi ga karo ong nule mu nwam me.

He Wuhan thiraang!

Khwanzin ren tabi anu louse thoudamnu ding

Kadou su lat lu ding maangbo?

Inmwam kapan thweibi saang phunga

Kahoi hungnu braam le ngaisu lat lu ding maang bo?

Louthwan aankhwaang raanbi saang phun se lang

Meila ponga bakiak thoudamnu braam le ngai nwam me.

Karing ngei khwaang braam le ngai nwam me.

He Wuhan thiraang!.

Talei ram bi misa lung basaan 

Na kasat ting banim dingnu maak rwe.

Naitng kokthang lang tu ambo?

He Wuhan thiraang!

Nang raang rakan lai rwe.

G Joshua Inka is currently pursuing his postgraduate studies from IGNOU.