Poems by Kh.Adumba |Part I|First President of Inpui Naga Union (INU)

Image credit: Salem Khumba

Mi Hung Nge

Mi hung nge

Khongket thang ngo.

Baman theilo.

Kadou chui wo.

Apu hung rwe.

Bating kalumme.

Maanna aniding kriang nge.

Apuna rinne,

“Tarukra saluga tui innu thum me.

Pitharai buthengbi banainu (chutney) thakra khaye”.

***

Nanu Napa

Nanu napa mikna munu ri khat ae.

Barweina rinnu zeiyo.

Zeitheinu sa bi rwan khwan rwan dat sui chuiye.

Babaan rwan le kriang nge.

Heipai naosen ding mibing na swanne.

***
Misana

Misana anu bathot siaye

Rwannu bathot saye diga 
Rwannu kasanu ding loune dinu za mak ae.

Rwansa kasanu dingle 
Asalang loune dinu zamak ae.

Chwanbi kasanu ding lou nwamnu 
Khatle bazeinu talei chaang nge.

***

He Naosen

He Naosen!
Tokatinu chwandon ga atun to wo.

Inkana tone diga thang mak o.

Bakaanna nating ngaak mak ae.

Chwan tonu kaan- nalaang tonu tei

Khang riakpi tonu tei diga tomak o.

Na sung bathiang ga to wo.

***

Ani Mibing

Ani mibing karung zo.

Sung bacham zo.

Ngam mak lang maak ae.

Kachilang maak e.

Sero, 
Serizo abaan rwan.

Ani nupa choung lang sezo.

Sung bachamnu tangem didinuna tamchaan pon seye.

Taken from Kamanu Primer in Kabui Naga

Kh.Adumba Kabui, Published by The Kabui Literature Committee, Haochong.