Poems by Kh.Adumba |Part II|First President of Inpui Naga Union (INU)

Image credit: Salem Khumba

Nanu Napa

Nanu napa, 

Nawa, nanao 

Khatlena na-in inkhun 

Sungchamga lung ngo.

Inkhunbi kamaisa sa dabi inkhun sungcham me.

Mamai muk sianu kamaisabi inkhun turai ye.

Inkhun salang sialang kamaisa khouna swak ae.

***

Rwan Om Bathai Mak O

Rwan om bathai mak o.

Baru mak o.

Choung karwaknu kabiamak o.

Sungsianu braam pao mak o.

Baan rwan ding kana mak o.

Bakaan tu baraan mak o.

Bakaan theiga kadai yo.

Louthwan thoukarang ngo.

Na chaat ding kriang ngo.

Na talei ding baning ngo.

Riangre man banim kale mak o.

***

Louchwan Tonu Manpa Ding Phaang Ngo

Louchwan tonu manpa ding phaang ngo.

Maanna lumik bathin louse ye.

Basaknu lumik tom me.

Maanna lou baatkok luga meithaang nge.

Lou railuga tachi bwan thang nge.

Anina lumik bathin sa ongnu buga 

Louchwan tonu nunna pi ongnu we.

Atibriakpina anina baniding kung zo.

Banina balupka riangre dam baga ani lang nge.

Anina haba kalomga thun lang karam zo.

***

Banit Banei

Banit banei diba totonu ding bo?

Nang theibo?

Baning ngo,
Kama pupina sothangnu chwan khat ae.

Kungtaknu chwan khat ae.

Ntunkaan ba pupi chwanle salai lan rwe.

Kasianu bing lan zo.

Kasanu chwan zong zo.

Nating Damthangnu pa ding theiyo.

Nanu napa ding kung ngo.

Pupi ding rin basiat mak o.

Taken from Kamanu Primer in Kabui Naga

Kh.Adumba Kabui, Published by The Kabui Literature Committee, Haochong.