Baningsunu|Poem

Image credit: https://pixabay.com/en/hand-gift-bouquet-congratulation-1549399/

Baningsunu nang pa-am phun hung bo?

Loutang lanu ding kabaan ga

Chansianu lang ta thangnu meiri.

Balaan tanglanu ding heisi balaanlu

Kriangnu sung ding aniya tu riangre rwe.

Kriangnu kraanbi maisia nu doulu

Asung sokka talei maisiat phunga

Baningnu zo thung makka

Sungkim maknu hwei hwei ye.

Zaap mik thang ngo a sung meila,

Zaap dai thang ngo balup ongnu sung ding.

Nithan (new dawn) swaklat ka reirim kabin hung lat pi

Banimnu tu ding ngo nang arwei meiri khwasei ga

Kakhan su maknu tu wo

Sungtak maknu thotka.

Balat swakka kanei phaang lat la rwe.

Kanei dam zung rwe bazenu lampui lazo.

Kama kriangnu ding pan ga

Ating zong hung lat lan ro

 A lampui kabei da rwe.

From the book "Thabaan Sanu Zingpha, In Search of an Audience" (2017)| Love and Lost Section|Page 39.