Louchun Sanarei|Poem|Inpui (Kabui)

image credit: Lanhung Inpui

He changthai louchun sanarei

Louluak taang dambi darangtu paan ong damnu louchun sanarei.

Kutkai brem-brem, pareng-preng, laam ong me louchun sanarei.

Khwalum le sikpha om riamzeinu thiraang na kalwang luga louchun sanarei.

Sangwan om kakhamnu khwatuina buei,  sikpha om kamanu kado na buei,

‘Tiyeda louchun sanarei

Chagaatha thabungchwang zingpha thiraang kabin ri-ri,

Louchun sanarei theithang-muthang maak ponpan thou dam zwe.

Bara dannu maikum ruan raching-ching, khan sianu maakka louchun sanarei.

Atiyeda khweiba na kaput-kaput da om gun ei theiye louchun sanarei.

Dakhouba rin larwe, khweiba ngai bi yo louchun sanarei.

Ponka-ponta, kachap-banui, katop-kachin, phaangswak-phaangkhut, louchun sanarei.

Upaimaak eh-upaimaak, chagaatha thaathit ni tamsi sing panu namak ka, louchun sanarei.

Aphan lang, atui lang ei louwe losia mak o, louchun sanarei.

Theimak pi da zwe aphanhao,atuihao, Innta,

Da khouna phunhung nu ga, louchun sanarei.

Phaang ong rwe baniga,

Kathan-kathan, kaphing-kaphing, louchun sanarei.

Deng-deng, batak-tak, kasik-kasaa khaangnu nang, louchun sanarei.

Rai nwam me, rinthang nwam me,

Bakaan phang mak eh, khaange batak  tok-tok louchun sanarei.

Kutbza banuoi, kutzungthiak prop-prop,

Ngaak eh kason-ka-ong langna, louchun sanarei.

Kangam-kangaai rwanna rwannai sanarei.

Theipei-theimak katapto, mupei- mumak katapto,

Zit-zit, zit-zit, louchun sanarei.

Loi drwe, loi drwe

Muthang hweithang lang mi maak ka

Louchun sanarei.

About the author:
Akhamba Inpui is from Pungmon village and he is an advisor to All Inpui Students'Union (AISU).

The poem first appeared in Kala-Khwanbaang, an annual publication of Inpui Students'Union, Delhi (ISUD) 2017.  More poetry by different writers (both English & Inpui). 

If you like this article or have a hidden poem in your note, comment below or write/send to us at isaacnka@gmail.com. We would love to read and publish it for you.