Mikko Addict|Poem|Inpui (Kabui)

(A verse critical of the social lifestyle particularly of belief, health & environment with pun intended) 

Baze nu laan nu, kasa nu kasia nu

Misa mun bi na swak ae.

Mikhat na sa rwe rinnu

Mibing kana bi ngaisu lune.

Mikhat na sia ye rin le thiraang ma brapka

Inbing bi thei ‘chang lune.

Kabai, khaini, ganza, charup khatle zu

Baze nu choungzik bi bameng pan ga

Hiakthang nu dan ga khanglup na thing ong me.

Nisa sa nu pum lang sa mak ae,

Nisa sanu katha ding turiang re ye.

Thumnu  inmwan thampei chaga le

Apuwo, napum lang ba hu zung nge.

Ajinomoto thang mak nu an asa mak nu dan ne,

Kathing airim le baruxi gana pum ri sa nu zwe.

Bakaan om thaisaak sa thang da rubo

Ani mi gong sia khit khit tana rwe rin ong nu zo?

Rwanpa thaisaak kahwang nu phunhung thang ga

Rwanpa leina kathan phunhung rwe.

 Mikko addict zung rwe

Naosen-patso ani rangkhang za.

Insak inthwei, inmwan twan mikko hwap na

Reipaan chunta nu dan ong rwe.

Zu hu ding kachilu pak ta

Mikko addict chu loi rwe.

Louputhiam na le laichat hung rwe be

Laina kathan zung rwe,

Batun kahin thang ngam mak ong me.

Bahao zo satak sa

Pumlang ingai kananu bo?

Plastic na ani talei thinliam hunglu

Plastic ram gon mak balei

Mei balei ga pichok ka wo

Thiraang tu inphom ngaak le

Hung lat nu kin la be meikhut swak makka

Talei thiraang bathiang nu le

Lung dou dam ding ngo.

Inlan ro za mak,

Salan ro le za mak.

Ririak na ba mikko ding thing thang bi lan rwe.

Khang na ba Ajinomoto ding thing thang bi lan rwe.

Zu gale inlan ro, mikko gale inlan ro za mak ae.

Pumlang ba riangrenu zwe.

Thei yo, pumlang ba samaknu zwe.

If you like this poem or have anything to share, kindly comment below or write to us at isaacnak@gmail.com