Lamentation|Poem in Inpui (Kabui)

Lamentation

The year that was 2021

 

Nang amme dinu theiga

Ani sangwan thou bi inmwan khulungsa kalumsan louka we

Nang rinthang luzwe diga nating rupkathan bi khutluga kalumnu we

Nang kaithang lu rwe dinu balumsat phunga

Heiba sangwan le rithoi phangnu sangwan tulu rwe diga

Ani rangkhang karoga khutnu we

 

Inpuh anina baningnu tei

Nangna baningnu tei

Sangwan khutkhit thiraang nat khit

Sangwan khutkhit khwa ding rin ngam lan rwe

Nasa rwan khouring inpomnu dan hung rwe

Inlu la cham sia

Inte la cham sia

Inmwan zai chamsia

Lampui bi seswak langle kachi

Inbi ung langle kachi

Bataki bali be bathemnuna han lem hung rwe

Inpuh nameng koule nang ngaithang bi lan rwe

Ani choung tam thou rwe

Ani kalumle thei thangbi lan rwe

Ani meimangle lum lan rwe

Ani chounglaa ngai sa lan rwe

Daibazaangnu zo louka dam ngaak rwe

 

‘Tiyeda

Nangna sangwan somni meithaan

Heiba sangwan hunglene rinchaak ngaak rwe

Ngai maknu zo ani sarwada

Kanasa maknu zo ani sarwada

Choungzei maknu zo ani sarwada

Lamhennu zo ani sarwada

Inpuh nangba rinthang nge

Inpuh nangba katak thang nge

 

Heiba sangwan loisin ding rwe

Nangna rinthangnu le hung thung rwe

Sangwan kathan swak bibe Inpuh

Heidannu potrit ani lang balaang thang lat lanro

Ani nating kachinu katap tu rwe

Ani nating balumsanu katap tu rwe

Ani nanung suinu katap tu rwe

 

Nakhou hung lang kazaknu ungnu rwan ding loukhut thang lat o

Cross bi tanu thiga ani lang le tei thang lat o

 image credit: wallpapertag.com