Thaan Chungbi|Inpui (Kabui)

           

Ula thingpho sanu thaanmwan bi

Reikungna kazu ungnu riakla

Thaan chungbi badan thang ungnu lungpeng bi

Ning ngam maknu sung choung inza hiak thang ungme

Haba choungsa ding phaang ga

Bathemnu maanle basung sok ae

Lungsam thoudamnu lang

Kazing kabaan takan damnu lang

Choung hiakna kanoi thang ungme

 

Kathi lampaakbi  hung hanlu

Thingna inpha chun ding bo theimaknu dan

Tru khwa ndanbi sun hung ding bo theimaknu dan

Lolo ga- ‘aleng tang sa rwe’ ungme

 

Nake ga bazaang ga kaammo

Nasung ga bazaangga se wo

Kathi kang laakbi sung ngai khim khim

Kathi champhunnu basana ramwan zwaang baakka hung nge

Thingku bi kakhamnu hemthangnu zupi braamgale

Kana sa tangga kabaang khut ae

Kadou lat lang zwe diga

Chap ungnu sung ding bathem zalu

Kriangnu namla khit khit thoudamme

 

Balungsia tha thanbi

Baningsuwe tha paan bi

Thaan kombi rei gale losianu sung nkam theiye

Hiak thang ungme thaan chungbi

Baningsunu tuga kapaang damnu lang

Ning ngamlanu chounghiakna kanoi tuga

 

Isaac Inkah

From an unpublished anthology “Khwabaan Swak Rwe”.

image credits: pinterest