Pillar No.4|Inpui (Kabui)

   Image credits: Chunhungba Khumba

Rin thang makbo

Patso rithoi hung dam zwe

Banim drubo

Thoulamnu kin rithoi

 

Talei tambaan dam thangnu Pukraangba meng kouga

'Thiam theinu Kabui Salang Maiba

Kuthiam sanu Kabui Nangmucha chaat

Khatle 

Ri ding baputheinu Maipak Namrijinang talei bi

Rithoi thangnu lwat indao we

Lampui-kalei le hung rwe

Phaanglo intengpui le hung som thang ga

Sangbaan le talei kadou rwe

 

‘Tiyeda heiba inteng ding batou phaang ung za laye

Heiba rail gari ding han ngaak ung za laye

 

Taan ungnu tampaang ding ga phaang ngo

Taan ungnu tampaang ding ga phaang ngo

 

Zamak laiye be

Taan thang biyo ani tampaang pillar no.4 lusipi

Phaang mu ding ngo basaangnu inteng sakla

Baning toga hai ungnu tampaang ding

 

Lumik sale siale

Chounglaa sale siale

Haba tampaangga zwaang chat laye

 

Rithoi tuipwak tui dan lwaangswak rwe

Cheksinzo-

Ani bangei khan ung lune

Barak theizo-

Lampui-kalei se tong luga

Rwan chaang suitang la lune

 

Lianthou rwe karo khan ung lang maak

Lianthou rwe phun lian ung lang maak

 

Banim sanne-

Ani mikka tampaang ding phaang zo

Ani phaapka tampaang la thang zo

Written by Isaac Inkah

From an unpublished anthology titled “Khwabaan Swak Rwe”

Kabui Salang Maiba and Kabui Nangmucha are two prominent historical figures of the Inpui (Kabui).

#drunksquirrelwrites on Instagram