Ri Kuthiam|Ching Nka|Inpui Poem

credit:123rf.com

Mi khat khou bachang loinu ambo?

Nangna ating bachang maknu diga kounuga

Batak ae ei bachangnu mak ae

‘Tiyeda Rikrwaangna bating kapwa ga

Damthangnu bi ei bachangnu we.

Alaang le bachangnu badam pithang ngo

Eina ngamnu ga indao thangne

Mi khat chale bachangnu maak ae

Atibriakpina bachangnu khatle bachang maknu

Heiya misa chaang nge

Eina bathai ga bachang maknu mi tunu mak ae

Anoh nale mak

Apa noh nale mak ae

‘Tiyeda ei heidan ungnu heiya

Rikrwaang na ba chwanlaangbi

Chwanlian to dam langna ye

 

Ching Nka is from Dimapur, Nagaland.