He Anu|Poem in Inpui|Abel Inka

Image credit:pinterest

Anu,

He anu diga

Kou langpithang.

Anu sung sat ah

Intia sabo rin ngam mak.

Zingpha thamlai kekho deta-

Tu ambo basung sat ting

Theiga kriangnu basa.

 

Intia riangre dambo

Ani lamhen ga poibi?

Inmitsia bi anu sung sok ka

Hweinu Rikrwaang theiga

Aniding khou thang pambi.

 

Ani koibing kapon thang

'Niding kutpambi banang ga

Nuna 'niding rithoi thang.

He anu nating ei bachun ne.

Nating swan ne son nu sa

Na kriang ding bachak ka.

 

He Rikrwaang na lwat

Tasiat ae na kriang leithwan

Talei bi nu khou kungnu

Nachoung heiza pithang

Bathiangnu choung bachu thang

Lwat lian noh he  Rikrwaang

Abel Inkah, Haochong