Kasennu Rose Choiluga|Inpui Naga Poetry|Isaac Inkah

Source:pexel

Thotsanu rangaak khat om mangbi

Rinswak la ga asungbi ri thang ung me.

Nating bathaiye di gale rin ngam makka

Asung mei dan chok ung me.

Nangna theithang dingnu webe

Nakhou rai nwamme

Asung chong nkamnu makka.

Nating suichanu katang am ngaak le;

Paanchuinu reipaan bi khwei bwannu dan ungle

Akum bi thabaan dan hung baan thang ngo.

Asung choung toga reipwan paan thiat thangde

Na sam pwaangbi.

Nto ga bathem zubo sahennu rangaak ding?

Sungsanu kumeini nating bathaiga pa zai ye.

Alungning laam ungbi

Asung choung ri thang lang thei makka

Nasung ding bathemme kasennu rei choiga.

iSaac iNkah

This poem is part of "Khwabaan Swak Rwe" scheduled for publication in 2020.