Nang Balumsa Dingbo?|Inpui Poem

Image credit:pexels

Nang balumsa lu ding bo?

Ei nakhou “eibe zanti le ru za zwe” diga rinne be.

Nang balumsa ding bo?

Ei nakhou “eibe thile  tui za zwe” diga rinne be.

Bathuk amnu choungpham danga;

Bakaba amtaknu chounglaa dan nang ngai dingbo?

Nang balumsa ding bo?

Ei nakhou “eibe lumik le mang zwe”.

Nang balumsa dingbo?

Ei nakhou “sianlan le ningting gale baha bi zwe”.

Nang balumsa ding bo?

Nating eina “nangbe talei ti le lung zung nge”

Diga na khou rin thang nge be.

Nang ngaisu lu dingbo?

Thingku bi kakhamnu zupi hen dam ungnu braam ga.

Nang ngaisu dingbo thaankhaan khaan mak balei

Kapaang lungtaang phek thangnu braamga.

Nang balumsa bililaye

Eibe kaphuk lan biza lung ungnu we dinu.

Eibe mang zwe.

Eibe mang zwe.

 iSaac iNkah

#The poem is part of 'Khwabaan Swak Rwe', an anthology of poems in Inpui Naga scheduled for publication in 2020.