Rithoi Ninu|Poem in Inpui Naga|Isaac Inkah

Rithoi thang ngo Inpuh khweile reitui lang,

Tambaan rithoi talei bi bunta thang ngo.

Tuikwang lang le ramwan lang le.

Misa kalumnu khwan ngaisubi

Katak thang ngo thingkung rwa kung langle.

  

Kan thangzo takhule tangem ding

Kamaangbi basa le tuikwang bi nga ding le.

Ani talei kamaang ramraak ka rakhe thang zo.

Rakhe thangzo misa le khouring lang

Katang rangaak lampui bi thingzok ka.

Rithoi pita thang lat o tachi tapaan lang le.

Loumi le bahei basing baloinu lang le.

Naosen patso mi rangkhang lang

Rikrwang Na khwan kabaang hung ngo

Sunpha khwale bachek rakan hungbi.

Rithoi pisui thang ngo thiraang thirwei bi.

Ani karo losia laa tonu nang thei thang ngo.

Khopsanu rithoi zo balaan ta thang ngo

Chenlang, bazwan, lumik, tha, insi lang le.

Khwatui saga ani inta (granary) sip ding ngo.

This verse is all about conservation of our rich biodiversity that we all have inherited with very little sense of community belongingness.