Discovering the Power of Positive Thinking| Series I

Image credit: chillingcompetition.com

How To Become a Positive Thinker?

This is a series of translation from the book “Discovering the Power of Positive Thinking” by Norman Vincent Peale and Ruth Stafford Peale (5^th Publication 2009, Orient Paperbacks). Norman Vincent Peale is considered to be the greatest inspirational author of our time. 

“You don’t have to be great to start, but you have to start to be great.” Joe Sabah 

Heiba ta-ngai ding kakhan phaang bachamzo. Lungning lian maktabe positive thinking heiya into houthou langbo? Houthounu heiya misa toga kamabi naosen atiluga bathangbi patso diga singthou we, school kanun a KG bina thouluga university atiga golf kadainuna kamabi duffer atiluga bakhwasei maknu lakpi golf kadai  theinu khat hung towe. Haga danga misa khatna kasianu lungning asat nwamga positive thinker khat tonebe kamabi ani naosen danga bangiam talang nge. Music bachu nu rwanna kamaga kutzung om exercise na kahou nudan ga bakungri lana kahou lang bathaang amme.

Speak in Positives

Kamanu kekaam ma bainu we. Kasianu choungbiak laabiak kabia mak o khatle mikhat ting thousa thougoi maknu tomak ting gaye. Haba sarukpi lungning liannu choung khatle kasanu choung kabia thang ding gaye. Ani pa-am choung kabia bo dinuwa ani lungning kakhan nu bi tamga affect to we. 

Kabia swak owei damnu choungkaangga ani om consciousness bi khutluga anina kakhan nubi tamga sok e. Ani kana (ear) ga ani munna (mouth) pa-am kabia nubing ngaisuwe. Haga danga ani kabia swak tamnu choungga ani lungning bi message toga hung nge, atiga haba choungga bakaan bakhwasei ga maktabe katupka kabia yebe ani om lungning “deep unconscious” bi khutluga ani om “conscious mind” dingga deep unconscious na rinnu bing pi bazei ye. Haga ani mun bina pa-am kabia swak po dinubi tamga amme.

Bakungri maktabe kahounubi ani cheksin lang bathaang amme. Anina kabia swaknu choungbing ga ani cheksin lang bathaang amme. Haga choungga mitomnu mitamnu riakpi theimak e. Ani munbina kasianu swaknu ding asat lang dinuwa kungnu khat e haga baiga le asat za bilaye atiyeda hading asat ngam laye dinuba maak e. Baningsu wo-hading asat ngam laye dinu maak e.

Atiga inswan louthwan thou bi, “khwasun ding rwe aniya lumik sala rwe” diga kabianu maktabe kakhannu mabe “Aniya lumik khwasun sa ding rwe. Lumik sianu dinu maak e, aniya lumik sadam zwe” diga kabia yo maktabe kakhan luga na-om chwan tothou wo. Lumik bingga lumik kathan ni kathan rwe diga lou wo.

Choose to be Happy

Nangna louthwan insaang thoubi heiya kabia wo: “Alaang aniya choices kani amme; hazo karo (happy) lang maktabe losia (sad) lang. Ei karonu loune.” Heiya choung natnu nakana (ear) ngaisubi na-om lungning/consciousness la haba message ka khut luga na-om lumik salang bacha thang lune. Heiya batak e, na-om lungning ga nangna rinnu bing zeinu we.

Affirm the Good

Nangna lumik bingbi kasanu choung into ga maktabe pa-am kasa nu choung kabia za bo dinu zong ngo. Haba choungga mikhat sung pilian zanu maktabe mikhat om ningpui maktabe badan pilian zanu choung pitowo. Na choung bingbi positive choung kabia lang towo. Bachakrin, Mi pakhatna ani om talei (country) ya kama ma sia khit khit tana rwe diyebe hading ga ka-eh mak o atiyeda hungnanu kasanu ding bachak luga choungsanu kabia thang biyo. Haga ati yebe nangna mikhat lungning piliannu zamak ka mikhat lang rithoi thangnu we khatle haba lamchat kana na-om personality kaithou nu we atiluga nating positive thinker khat pi gonswak lune.

Loisin bi, bakungtonu choungpham ba, mikhat ting choung kasia (negative) tonu kabia mak o maktabe sungta maknu choung kabia mak lang nge. Nangna choungsianu kabia yebe na lungning bi negative thoughts khom kadoi nu we. Choungbiak bing positive terms bi kabia lang karam mo, nating le mi bing ding. Haga ati towe be nangle kanikhat soimakka positive thinker khat hungto lune.

Follow this space, you will find the complete version of the book in this blog. These series will try to encourage and engage with the present generation. We hope you will be enriched by this translation. We look forward to your thoughts and views.
God Bless Everyone.