Nangle Heidan? |Poem

http://www.clipartbest.com/cliparts/pc5/bXx/pc5bXxRoi.png

Nangle heidan

Khaang bo kazaknu na maikum bi

Bachim (spit on your face) thangnu dan?

Mikthi na sunpha khwasia bi

Sunlan theimak sunnu dan!

Nangle heidan riang re bo?

Potrit thang ta lang theimak ka

Basakriakpi thiraang hungle riang re!

Nisat swak le riang re!

Thabaan sanu ga ba man (no value) maak e.

Reipaan sanu ga baha (useless) bi zwe.

Laa bing le bakaba (meaning) maak lam ze.

Thumnu choungkaang ga le kha (bitter) lam zwe.

Braam swak makka baklamnu sung

Narang tuza na ngaisu luga

Inkamga baklamnu likli dingdan

Khom-kadoi lang tu ong bo?

Louna (snake) na brapnu ma naga

Tamsaipuina inbannu ma khaangsia ga.

Kathiam khou into bapu zodi?

Loupuba bakhou into barin zo di?

Lung makle za rwe di chap ong bo

Tu indannu rangaak/katang khat om lungning bi?

Losanu meiri le a karo,

Asung le a balumsat phun da rwe

Diga hwei ong bo?

Bakaan om tuilian meilian bi

Narangtu kaphuk kainu braam ngaisu bo?

Kaphuk kasan kainu braam ga!

Inzaan ga thouda rwe.

Inzaan ga takan da rwe.

Baningsunu hu (poison) zwe.

Bon (gourd) tui bi hu thangnu dan zwe.

Mikthiga khaam mak o.

Mikthi ga nunsat mak o.

Huga lwang swaknu zwe.

Inthang lamnu hu ga zwe.

Lwangsat lam ding o

Balup na tuipwak kathan dan.

Lungning la pao ongnu khwanga

Kabaang lam ding ngo

Kana khatla na kana khat la (from ear to ear).

Kazingnu zingpha mangsia-ri-namnu (nightmare) ga le

Manno louthwan swak ting rwe.

Bakaan za riangre lu,

Taleiza maisialu

Potrit lwakka mikna mu maknu kapan-

Kutzung (finger) kahin tanglanu taram takan ka da rwe.

Ringnu leithwan nangle khaang bo heidan?

Khaang bo nangle ei dan?

If you are looking for space to publish your literary work(s), kindly send your writing(s )to isaacnka@gmail.com.